Festival Artenautas

ARTENAUTA. I Festival Artístico da Costa da Morte.

Do 14 ao 16 de agosto de 2020 en Corcubión.

O FESTIVAL

Artenauta é o primeiro festival especificamente artístico da contorna da Costa da Morte, que nace en Corcubión -nun atípico verán- co obxectivo de dinamizar a vila, inundándoa de diferentes artes. A finalidade non é outra que servir de estímulo, entretemento, reflexión e escaparate de experiencias artísticas para veciños e visitantes, algo especialmente necesario en tempos de pandemia.

Algúns dos obxectivos do festival son:

– Dinamizar a nosa vila cun marco definido de actividades artísticas e culturais que se sucederán en Corcubión durante toda unha fin de semana de agosto.

– Actuar como plataforma para os novos talentos da comarca; achegar o traballo dos artistas consolidados da zona; homenaxear aos nosos artistas de referencia, e coñecer o traballo de artistas doutras comarcas e países.

– Fomentar o interese pola arte e a cultura entre veciños e visitantes.

– Constituir un punto de encontro para amantes da arte en tódalas súas manifestacións.

– Contribuir -cunha oferta cultural e artística propia- á dinamización do turismo da Costa da Morte.

Neste marco daranse cita máis dunha vintena de artistas de diferentes disciplinas: escultura, pintura, mural, fotografía, deseño gráfico, poesía, música, audiovisual, teatro, performances… Eles serán os artenautas, que navegarán polas súas artes convidándonos á participar das súas creacións.

Porque este festival nace fundamentalmente para compartir a arte, e por iso esta espraiarase entre a xente, nas rúas, nos bares, nas prazas, nas paredes e balcóns, no peirao, pero sobre todo, no espírito de todas e todos estimulando os imaxinarios. Porque o festival é ante todo un agasallo para os ollos e as orellas, para as linguas e para os corpos, para o entretemento e para a reflexión; para falar, cantar, mirar e pulular e para activar cada un dos nosos sentidos.

O festival ten ademais un espírito aglutinador e tenta implicar, non só aos artistas, se non tamén a asociacións e agrupacións do máis diverso, ás xentes da vila, sinxelas e variopintas mais con iniciativa. Porque que neste experimento colectivo temos cabida todas e todos.

Froito do entusiasmo e as ganas de actividade que nos deixa este verán da pandemia, e tamén pola imposibilidade de buscar financiación nun prazo tan axustado de tempo, todos os artistas participarán neste festival de balde. O que non supón impedimento para que éste ofreza unha programación completa e variada durante dous días e medio; un programa que responderá ao criterio de “posibilidade”, grazas á arte de sumar enerxía. Con certa premura pola urxencia pero con moito gusto!

Se todos saímos satisfeitos desta experiencia, se cadra, o Artenauta pode chegar a converterse nunha cita regular de referencia no verán.

OS ARTENAUTAS

Artenauta. Neoloxismo creado a partir dos termos Arte e -Nauta (Navegante). Sirve para designar a toda persoa que navega pola arte como medio de vida e como forma para entender o mundo. Os artenautas sirven de estímulo e reflexión á súa tripulación, especialmente nas vilas costeiras.

Os artenautas 2020 son, polo de agora:

Pintura

Viki Rivadulla

Marcelino de Santiago, Kukas

Pelucas

Escultura

Borja Insua

Tucho da Silva

Camilo Seira

Fotografía

Ramón Caamaño (Selección do arquivo)

Senén Insua

Alba Cambeiro

Ana Naveiro

Raúl Simón

Barbara Brummer

Poesía

Alex López

María Lado (por confirmar)

ENGADIR

Audiovisual

Olaia Sendón

Andrés López

Música

Leo KCh

Hector Lera

Pablo Orza

As Rinchonas

Teatro

Farándula Velutina

 

ESPAZOS DO FESTIVAL

● Ao aire libre:

– O campo do rollo

– A Praza de Castelao

– O campo da igrexa

– O peirao

– El Relleno

– Exterior Mercado

– Bar Tío Moncho (exterior)

● A cuberto:

– O antigo cárcere

– A capela do pilar

– Centro de Día

– Mercado Municipal

– Pub Gavilla

– Bar O Riveiro

– Bar O Quenxeiro

– Restaurante Mar Viva

PROMOTORES/ ORGANIZADORES

– Borja Insua, titiriteiro, actor e escultor

– Andrés López, deseñador gráfico

– Senén Insua, fotógrafo

– Alex López, poeta

– María Bella, investigadora e productora cultural

– Yolanda del Campo, comunicadora

COLABORADORES

– Concello de Corcubión

– Asociación Boca de Sapo

– Universidade Popular de Corcubión

– Grupo de pandereteiras As Rinchonas

– Universidad Cromática das Virtudes

– Bar O Ribeiro, Bar O Quenxeiro, Bar Tío Moncho , Pub A Gavilla, Restaurante Mar Viva.

.

PROGRAMA

VENRES, 14 de agosto:

– 20:30hrs. INAUGURACIÓN DO FESTIVAL. “EUCALIPSIS NOW”: Pasarrúas con performance artística.

● Artenautas: Todos. Aberto á participación.

● Colaboradores: Asociación Boca de Sapo, Grupo de Pandereteiras As Rinchonas, Universidade Popular.

● Itinerario: Dende San Antonio ao Rollo.

– 21h. INSTALACIÓN AUDIOVISUAL.

● Artenauta: Andrés López.

● Lugar: Capela do Pilar.

– 22h CONCERTO E PINTURA AO VIVO.

● Artenautas: Hector Lera e 2 calquera (música) e Marcelino de Santiago “Kukas”(Pintura).

● Lugar: O Rollo.

SÁBADO, 15 de agosto

12h INAUGURACIÓN EXPOSICIÓN PINTURA / ESCULTURA

● Artenauta: “Kukas”

● Lugar: Cárcere Vella.

13h. FOTOMATÓN

● Artenauta: Senén Insua

● Lugar: Praza Castelao.

13-14h. SESIÓN VERMÚ

● Artenauta: Aldao Lado (por confirmar)

● Lugar: Exterior Pub Gavilla

18h: OBRADOIROS. Por determinar:

– Rakú con Nano Unzueta.

– Construcción de refuxios fauna no monte.

– Caligrafía oriental con Yano Lloro.

21h: CINE DE VERÁN

● Artenautas: Olaia Sendón con “Os fabulosos irmáns da Luz” e outro por determinar.

● Lugar: Praza da Igrexa

22hrs. PAISAXE SONORO

● Artenauta: Pablo Orza (música experimental)

● Lugar: Mercado Municipal

23h. CONCERTO – MURAL

● Artenautas: Leo KCH (música) e Pelucas (pintura)

● Lugar: Peirao

DOMINGO, 16 de agosto

12-14h: SESIÓN VERMÚ: POEMAS DE TABERNA

● Artenautas: Alex López, e outros poetas (por determinar).

● Lugares: En itinerancia por locais de hostelería

19.30h: TEATRO

● Artenautas: Farándula Velutina. Representación da obra “Papiroflexia”.

● Lugar: Praza do rollo.

20.30h.PECHE DO FESTIVAL

● Artenautas: Todos.

● Lugar: Praza do rollo.

● Proxección das fotos do festival e sorteo de obra de arte de “Kukas”

E ademais:

FOTOMATON

● Artenauta: Senén Insua

● Lugar: Praza Castelao.

● Sábado e domingo de 13 a 14hrs.

EXPO-PROXECCIÓN DE FOTOGRAFÍAS

● Artenauta de honra: Ramón Caamaño

● Lugar: Fachada na parede da Praza de Castelao

● Todos os días de 22 a 00:00hrs.